ჯანდაცვის მინისტრი, ეკატერინე ტიკარაძე კორონავირუსით ინფიცირებულ სამ ახალ შემთხვევაზე საუბრობს და აცხადებს, რომ მათ ამერიკაში მოგზაურობის ისტორია აქვთ. მისი განცხადებითეს არის ახალი კლასტერი.

ტიკარაძის განმარტებით, ყველა პიროვნება, რომელიც იმყოფებოდა ამ ოჯახთან კონტაქტში არის იდენტიფიცირებული და მიმდინარეობს მათზე დაკვირვება შემდგომი ტაქტიკის დამუშავებისთვის.

„ასევე, ჩვენ გვაქვს ახალი სავარაუდო მეოთხე შემთხვევა, რომელიც არის აჭარაში, და დღის ბოლოს აჭარის ჯანდაცვის მინისტრი მოგახსენებთ ზუსტ ინფორმაციას ამ პაციენტის მდგომარეობასთან დაკავშირებით“, – განაცხადა ტიკარაძემ.