ირანის ჯანმრთელობის სამინისტროს საზოგადოებასთან ურთიერთობისა და ინფორმაციის უწყების ხელმძღვანლმა, კიანუშ ჯაჰანბურმა განაცხადა, რომ ქვეყანაში კორონავირუსისგან საშუალოდ ყოველ საათში ერთხელ 50 ადამიანი ავადდება. ამის შესახებ სტატიას აქვეყნებს აზიური მედია.

მისი თქმით, აგრეთვე ყოველ 10 წუთში ერთი ადამიანი კვდება ვირუსისგან. ჯანდაცვის მინისტრის პრესპიკერის თქმით, საზოგადოებამ უნდა მიიღოს შეგნებული გადაწყვეტილება გადაადგილების შეზღუდვასთან დაკავშირებით.

კოვიდ 19-ის გავრცელების შედეგად ირანში მასშტაბური საიზოლაციო ღონისძიებებია განხორციელებული, რომლის შედეგად ქუჩაში გადაადგილება მაქსიმალურადაა შეზღუდული. ამ დროის მონაცემებით უკანასკნელ 24 საათში ირანში ვირუსით 149 ადამიანი დაიღუპა, ხოლო 1046 დაინფიცირდა. გარდაცვლილთა საერთო რაოდენობა 1284-ს შეადგენს, თუმცა ადგილობრივი მედია სააგენტოების ინფორმაციით მსხვერპლი გაცილებით მეტია, რასაც ხელისუფლება მალავს.