ჩინეთის ქალაქ უხანში კორონავირუსის მასშტაბური გავრცელებიდან დღემდე პირველად არ დაფიქსირდა დაინფიცირების ახალი შემთხვევები.

გავრცელებული ინფორმაციით, მიუხედავად ინფექციის შიდა რესურსებით დაკონსერვებისა, კოვიდ 19-ის "იმპორტის" შემთხვევები მასშტაბურად იზრდება პეკინში.

ვირუსის ახალი შემთხვევების უცხოეთიდან შემოდინების ფონზე, ჩინეთის მთავრობა ამკაცრებს კონტროლს ყველა საკვანძო სამოგზაურო ცენტრებზე და იწყებს თითოეული მოგზაურისთვის სხეულის ტემპერატურის შემოწმებას. ოთხშაბათს ჩინეთში „დაავადების იმპორტირების“ 34 შემთხვევა დაფიქსირდა, რომელთაგან 21 მათგანი პეკინში აღინიშნა. ჩინეთში დაინფიცირების 80 928 შემთხვევაა, რომელთაგან 70 420 უკვე განკურნეს. ამჟამად ინფიცირებულ პაციენტთა რიცხვი კი 7263-ს შეადგენს.