სოციალურად დაუცველი მარტოხელა მოხუცებისთვის კორონავირუსის გავრცელების პრევენციულ პროგრამას ცნობილი ჟურნალისტი მაია სტეფნაძე შეუერთდა.

ინფორმაცია ამის შესახებ, თავად ჟურნალისტმა, სოციალური ქსელის პირად გვერდზე გამოაქვეყნა.

„მეგობრებო, ჩავეწერე მერიის ცხელ ხაზზე მოხალისეების პროგრამაში. ეხლა ტრენინგს გავივლი როგორ დავიცვა თავი კორონასგან და საბურთალოზე ბევრი საჭმლის პარკებით თუ დამინახეთ, იცოდეთ სოციალურად დაუცველი მოხუცებისთვის სახლებში დამაქვს, არ გაგიკვირდეთ გამოვედი ჩემი კომფორტის ზონიდან და მიხარია, ცოტათი რომ დავეხმარები მათ, ვისთვისაც ყველაზე საშიშია ეს ვირუსი. წარმატება და ჯანმრთელობა მისურვეთ“, - წერს მაია სტეფნაძე.