იტალიაში კორონავირუსით გარდაცვლილთა და დაავადებულთა რაოდენობა ყოველდღიურად მასშტაბურად იმატებს.

მხოლოდ უკანასკნელ 24 საათში კოვიდ 19-ის დაინფიცირების 3526 შემთხვევა დაფიქსირდა, ხოლო დაღუპულთა რიცხვმა კი 345 გარდაცვლილი შეადგინა.

აღსანიშნავია, რომ გაზრდილია აგრეთვე კრიტიკულ მდგომარეობაში მყოფ პაციენტთა რაოდენობა-თუ გუშინ 1800-მდე იყო მათი რიცხვი, დღეს უკვე 2060 პაციენტი იმყოფება უმძიმეს მდგომარეობაში.

მძიმე ვითარებაა აგრეთვე ირანსა და ესპანეთში. ბოლო დღე-ღამის მანძილზე ესპანეთში 168 ადამიანი დაიღუპა და 1467 დაინფიცირდა.