კორონავირუსის მასშტაბური გავრცელების გამო ფილიპინებში განსაკუთრებული უსაფრთხოების ზომებია შემოღებული. სოციალურ ქსელებში ვრცელდება ვიდეოკადრები, სადაც ასახულია კილომეტრიანი საცობები, რომელიც გამოწვეულია ქვეყნის დედაქალაქ მანილას შესასვლელთან სამხედროებისა და პოლიციელების მიერ კორონავირუსის მკაცრი შემოწმების გამო. სამართალდამცავები და ჯარისკაცები სპეციალური მოწყობილობის საშუალებით ამოწმებენ მძღოლების ტემპერატურებს და მხოლოდ ამის შემდეგ აძლევენ მათ ქალაქში შესვლის უფლებას.

მანილაში მკაცრი იზოლაცია დაიწყო 15 მარტს, რომელიც 1 თვის მანძილზე გაგრძელდება. სატრასნპორტო კომპანიის ხელმძღვანელობამ გასცა ახალი რეკომენდაციები ტრანსპორტით მოსარგებლეთათვის, რომლის შემდეგაც მგზავრები ერთმანეთისგან 1 მეტრის მოშორებით სხედან ავტობუსებსა და მეტროებში. დღის ბოლოს თითოეული სატრანსპორტო საშუალების დეზინფექცია ხდება სპეციალური ჯგუფების მიერ. ქალაქში დილის 8 საათიდან 5 საათამდე კომენდანტის საათი ფუნქციონირებს, რომლის დროსაც მოძრაობა ძალიან შეზღუდულია , ან საერთოდ აკრძალულია. შეგახსენებთ, რომ ფილიპინებში 187 ადამიანია დაინფიცირებული და 12 მათგანი უკვე გარდაცვლილია.