კორონავირუსით ინფიცირებული ნომერ მესამე პაციენტი, რომელთან დაკავშირებითაც პირველ ჯერზე მიღებულია უარყოფითი პასუხი ჯერ კლინიკას ვერ დატოვებს - ამის შესახებ ჟურნალისტებთან თბილისის ინფექციური საავადმყოფოს სამედიცინო დირექტორმა, მარინა ეზუგბაიამ ისაუბრა.

მისი თქმით, განმეორებით ტესტის შემთხვევაში, ჯერჯერობით ტესტი კიდევ მოწმდება.

"ამ ეტაპზე ჯერ ეს პაციენტი არ დატოვებს კლინიკას იქიდან გამომდინარე, რომ მისთვის საკარანტინო ვადა რასაც ჰქვია, არ არის გასული. ადრე იყო ლაპარაკი 14 დღეზე, დაავადების პროგრესირების ყველაზე მსუბუქი შემთხვევებში, გაიზარდა 20 დღემდე. აქედან გამომდინარე, ამ პაციენტისთვის ჯერ არ არის გასული ეს ვადა. ჯერჯერობით გააგრძელებს ჩვენთან დაკვირვებას და როცა გვექნება საბოლოო პასუხი, გავწერთ ბინაზე“ ,- განაცხადა ეზუგბაიამ.