იაპონელ მამაკაცს სიკვდილით დასჯიან 2016 წელს განხორციელებული განზრახ ჩადენილი მკვლელობების გამო. გავრცელებული ინფორმაციით, მან 19 უნარშეზღუდული ადამიანი მოკლა მაშინ, როდესაც სამკურნალო თავშესაფარში მუშაობდა. აღნიშნული შემთხვევა იაპონიაში ყველაზე მძიმე მასობრივ მკვლელობადაა მიჩნეული, რამაც დიდი გამოხმაურება გამოიწვია ქვეყნის მედია სივრცეში.

იაპონიის გაზეთ “MAINICHI SHUMBUN”-თან ინტერვიუში მკვლელობაში ეჭვმიტანილმა უემათსუმ განაცხადა, რომ იმ ადამიანების ცხოვრებას, რომლებსაც ფსიქოლოგიური და გონებრივი პრობლემები გააჩნიათ, აზრი არ ააქვს. აღნიშნა, რომ მან ზემოხსენებული დანაშაული საზოგადოების გამო გააკეთა.

იოკოჰამას საოლქო სასამართლოს გადაწყვეტილებით, სატოში უემათსოს სასჯელის უმაღლეს ზომად სიკვდილით დასჯა ჩამოხრჩობით განესაზღვრა.

მკვლელობა მოხდა 2016 წლის 26 ივლისს - სატოში ტოკიოსთან მდებარე დაწესებულებაში, სადაც ფსიქოლოგიური პრობლემების მქონე ადამიანებს მკურნალობდნენ, დანებით შეიარაღბული შეიჭრა. მან ერთ-ერთი შენობის ფანჯარა შეამტვრია და მძინარე ადამიანების ოთახებში შეიჭრა, სადაც თითოეულ მათგანს სასიკვდილო ჭრილობები მიაყენა- ამის შესახებ აცხადებს პროკურატურა. მისი 19-ივე მსხვერპლი 19-იდან 70 წლამდე ასაკის ადამიანი იყო. თავდასხმის შედეგად აგრეთვე 25 ადამიანი დაიჭრა, რომელთაგან 20 უმძიმეს მდგომარეობაში იმყოფებოდა.

თავდასხმამდე რამდენიმე თვით ადრე უემათსუმ გაუგზავნა პარლამენტს წერილი, სადაც აცხადებდა რომ იგი 470 უნარშეზღუდულ ადამიანს მოკლავდა - „ მე მინდა, იაპონია იყოს ისეთი ქვეყანა, სადაც ფსიქოლოგიური პრობლემების ხალხს გაუკეთებენ ეუთანაზიას“ - განაცხადა ბოროტმოქმედმა.