ერაყში ტაჯის სამხედრო ბანაკზე, სადაც ამერიკელი და ბრიტანელი სამხედროები იმყოფებიან მორიგი თავდასხმა მოხდა. გავრცელებული ინფორმაციით, ტერიტორია 20-მდე ნაღმტყორცნის ჭურვითა და რაკეტით იქნა დაბომბილი. ამ დრომდე არ ვრცელდება ინფორმაცია დაღუპულთა და დაჭრილთა შესახებ. ერაყის ერთობლივი ოპერაციების სარდლობა ადასტურებს განხორციელებულ თავდასხმას ტაჯის ბაზაზე.

შეგახსენებთ, რომ ოთხშაბათსაც განხორციელდა ტაჯის ბანაკზე თავდასხმა, რომლის შედეგადაც 2 ამერიკელი და 1 ბრიტანელი ჯარისკაცი გარდაიცვალა, რამდენიმე მათგანი კი მძიმედ დაიჭრა. აღნიშნული ფაქტის შემდეგ ამერიკელებმა მოახდინეს თავდამსხმელთა იდენტიფიკაცია, რომელთა წინააღმდეგ განახორციელეს რამდენიმე საჰაერო რეიდი და ათეულობით ბოევიკი დახოცეს. გავრცელებული ინფორმაციით, თავდასხმის უკან ირანის რევოლუციის დამცველთა კორპუსი დგას, რომლებიც აქტიურად იყენებენ ჰესბოლას სამხედრო დაჯგუფებას ამერიკელთა წინააღმდეგ ერაყში.