"ინფიცირების დღიდან 13 დღემდე შესაძლებელია მოხდეს პროგრესირება, თუ გადავლახეთ ეს 13 დღე დაიწყება გამოჯანმრთელების ტენდენცია"

"ინფიცირების დღიდან 13 დღემდე შესაძლებელია მოხდეს პროგრესირება, თუ გადავლახეთ ეს 13 დღე დაიწყება გამოჯანმრთელების ტენდენცია" - ეზუგბაია

COVID-19 - 11:48, 13 Mar, 2020

662

ინფექციური საავდმყოფოს სამედიცინო დირექტორმა მარინა ეზუგბაიამ ის კრიზისული პერიოდი დაასახელა, რომლის გადალახვის შემდეგაც, პაციენტები გამოჯანმრთელებას დაიწყებენ. ეზუგბაია ამბობს, რომ საუბარია 13 დღეზე. ამასთან ეზუგბაია პაციენტების ჯანმრთელობის მდგოარეობაზე საუბრობს და აცხადებს, რომ ყველა პაციენტის მდგომარეობა სტაბილურია. მისივე განმარტებით, არც ერთი ახალი პაციენტი არ წარმოადგენს ინფექციის ახალ კერას.

„მე მინდა გითხრათ, რომ 22 პაციენტიდან შვიდთან არის დაკავშირებული პნევმონია გულ-მკერდის კატაკვლევის ჩატარების შედეგად. გახსენებთ, რომ ერთი პაციენტის მდგომარეობა შედარებით მძიმეა, მაგრამ უკვე რამდენიმე დღე ვიძახით იმასაც, რომ სტაბილურია მისი მდგომარეობა, დაავადება არ პროგრესირებს. შეიძლება ითქვას, რომ პროგრესირება თუ შეჩერდა და დასტაბილურდა, ალბათ, შეგვიძლია ვთქვათ, რომ საშუალოზე მძიმეა და არა როგორც მძიმე, მაგრამ ჩვენ კიდევ ერთხელ ვადასტურებთ, რომ პაციენტების დაავადების პროგრესირება მიუხედავად მკურნალობისა, შეიძლება პროგრესირდეს, ეს არის დაავადების ხასიათი. ამიტომ ინფიცირების პირველი დღიდან 13 დღემდე შესაძლებელია მოხდეს პროგრესირება. თუ გადავლახეთ ეს 13 დღე და პაციენტების მდგომარეობა იქნება სტაბილური, ეს იმის მიმანიშნებელია, რომ თანდათანობით დაიწყება გაუმჯობესება და გამოჯანმრთელებისკენ ტენდენცია“, - აცხადებს მარინა ეზუგბაია.