ფრთხილად! ჰაკერები კორონავირუსისგან განკურნების შეთავაზებას თქვენი მოწყობილობის გასატეხად იყენებენ

COVID-19 - 11:30, 13 Mar, 2020

543

მსოფლიოში, სხვადასხვა ელექტრონული საშუალებებით - ელფოსტით, ან სმს გზავნილით, ვრცელდება ბმულები, რომელიც მომხმარებელს სთავაზობს კორონავირუსისაგან დაუყოვნებლივ განკურნებას, რასაც ჰაკერები ადრესატის კომპიუტერის ან მობილური ტელეფონის გასატეხად იყენებენ.

ამ ბმულების რაოდენობამ განსაკუთრებით ბოლო პერიოდში იმატა, როდესაც ევროპის ქვეყნებში ვირუსის გავრცელების ტემპი შემაშფოთებელი გახდა.

კიბერუსაფრთხოების სპეციალისტები აცხადებენ, რომ ასეთ ბმულებს ასეულობით ჰაკერული დაჯგუფება აგზავნის, რისთვისაც მილიონობით ყალბ მისამართს იყენებს. მათი შეფასებით, "ფიშინგის" კატეგოტრიაში ამ რაოდენობის გზავნილები არასდროს ყოფილა.

ყალბი ინფორმაციები ინგლისურ, ფრანგულ, იტალიურ და თურქულ ენებზე ვრცელდება, როგორც კერძო ელ-ფოსტაზე, ასევე სადაზღვევო, ტურისტული, სატრანსპორტო და სამედიცინო კომპანიების მისამართებზე.

სურათზე მოყვანილია ერთერთი ასეთი მაგალითი: ბმულზე დაჭერით თქვენ ხხსნით ონლაინ დოკუმენტს, რომელიც გარეგნულად ჰგავს Docusign-ის დოკუმენტებს, რის შემდეგადაც ჰაკერი წარმატებით აგროვებს თქვენი მოწყობილობიდან ფაილებს, პაროლებსა თუ სხვა სახის ინფორმაციას.