სომალელმა მეკობრეებმა,2005 წლიდან 2012 წლამდე, ნადავლის სახით, დაახლოებით 400 მილიონი დოლარი მიიღეს, აღნიშნულია გაეროსა და მსოფლიო ბანკის ერთობლივ ანგარიშში.

 ანგარიშში ნათქვამია, რომ ძირითადად, ფული არა თავად მეკობრეებს, არამედ ჩრდილში მდგარ საქმოსნებს ხვდებათ.

ეს თანხები, შემდგომში, სხვა კრიმინალური ოპერაციების დასაფინანსებლად მიდის, მათ შორის იარაღითა და ადამიანებით ვაჭრობაზე.

 მომხსენებელთა ინფორმაციით, რიგითი მეკობრეები თითო გემზე ფიქსირებულ თანხას, 30-დან 75 ათასამდე დოლარს იღებენ.

ანგარიშის შემდგენთა ცნობით, რიგითი სომალელები მეკობრეებს სხვდასხვა დახმარებას უწევენ, მათ შორის ტრანსპორტის შეკეთება, სტიმულატორი მცენარის - კატის მიწოდება.