აზერბაიჯანში კორონავირუსისგან გარდაცვალების პირველი შემთხვევა დაფიქსირდა- ამის შესახებ ინფორმაციას kavkaz-uzel-ი ავრცელებს.

საერთო ჯამში აზერბაიჯანში კოვიდ 19-ით დაინფიცირებულთა რაოდენობა 15-ს შეადგენს. 11 მარტის მონაცემებით უკვე 3 ადამიანი გაწერეს სახლში მას შემდეგ, რაც მათი ვირუსისგან განკურნვა დადასტურდა.

აზერბაიჯანის კორონავირუსთან ბრძოლის ოპერატიული შტაბის თანამშრომლის განცხადებით , გარდაცვლილი ადამიანი 1969 წელსაა დაბადებული. ცნობილია, რომ იგი ირანში იმყოფებოდა და კორონავირუსით გამოწვეული ძლიერი სიმპტომები აღენიშნებოდა მაშინ როდესაც საავადმყოფოში მოათავსეს. გავრცელებული ინფორმაციით, იგი არაერთი სერიოზული ქრონიკული ავადმყოფობით იყო დაავადებული- მათ შორის თირკმლის უკმარისობითა და ავტოიმუნურიბით.