განათლების სამინისტროს წარმომადგენლები აცხადებენ, რომ სკოლები თავად გადაწყვეტენ, თუ როგორ აანაზღაურებენ კორონავირუსის გამო შეჩერებულ სასწავლო პროცესს.

„ეროვნული სასწავლო გეგმის ექსპერტები ამ ეტაპზე მუშაობენ რეკომენდაციებზე, რომლის ფარგლებშიც თითოეული სკოლა მოსწავლეების რაოდენობისა და რესურსების ფარგლებში შეძლებს ეროვნული სასწავლო გეგმების ისეთ მოდიფიცირებას, რომ სასწავლო წლის დასრულებამდე, თითოელ მოსწავლეთან მიმართებაში განსაზღვროს პროგრამა.

შესაძლებელია გამოყენებული იქნეას შაბათი დღე, შესაძლებელია დამატებული იყოს გაკვეთილები. ამ მიმართულებით ჩვენ სკოლას მივცემთ თავისუფალ, მოქნილ გრაფიკს"- აცხადებს განათლების მინისტრის მოადგილე, ეკატერინე დგებუაძე.

კორონავირუსის პრევენციის გამო, საქართველოში სასწავლო პროცესი 1 აპრილამდე შეწყდა.