ხალხი მსოფლიოს გარშემო ერთმანეთს შორდება, რამდენადაც სხვადასხვა ქვეყნები კრძალავენ ფრენებს, აფერხებენ გადაადგილებას, კარანტინში აქცევენ მთლიანად რეგიონებს. ფინანსურ ბაზარზე შეიმჩნევა ფასების მკვეთრი დაცემა.

ეპიდემია სამი თვის წინ იწყნებს გავრცელებას, თუმცა ჯერ გარშემომყოფ საზღვრებს აზიანებს, ხოლო შემდეგ იქმნება ვულკანები, რომელიც ამოფრქვევის შედეგად ახლო ტერიტორიებს ანადგურებს. თუმცა ვირუსის გავრცელებასთან ერთად, მედია საშუალებებში გავრცელებული ინფორმაციები და სტატიების სათაურები დამატებითად ამძაფრებს სიტუაციას. მსოფლიოს ჯანდაცვის ორგანიზაციის მიერ ახალი კორონავირუსის პანდემიად გამოცხადებით, ამერიკის შეერთებული შტატების მხრიდან ევროპასთან ფრენების შეზღუდვით, ჰოლივუდის ვარსკვლავებში კორონავირუსის აღმოჩენით, სპორტული მნათობების ჩაქრობით და პოლიტიკური ლიდერების დაინფიცირებით ეკონომიკური ზიანი მიადგა არა მარტო ვოლ სტრიტს, არამედ ქუჩაში მოსეირნე ჩვეულებრივ ადამიანებსაც.

„ჩვენ შევხვდებით უფრო მეტ შემთხვევას და რაღაცები გაუარესდება“ - აცხადებს ამერიკის შეერთებული შტატების ალერგიისა და ინფექციური დაავადებების ნაციონალური ინსტიტუტის დირექტორი ექიმი ანტონი ფაუცი.

პრეზიდენტი ტრამპი, რომელიც კორონავირუსს რამოდენიმე დღის წინ იუმორით ეხმიანებოდა ან უბრალოდ ხელის დაბანისკენ მოუწოდებდა მოსახლეობას, მოულოდნელად ცვლის ტონს და ოვალური კაბინეტი სამოგზაურო წესების გამკაცრებაზე საუბრობს. ოფიციალური ამერიკა მოსახლეობას მიმართავს, რომ „საზღვარგარეთ მოგზაურობა გადაიფიქრონ“. ადგილობრივი ლიდერები სიტუაციის გაუარესებას პროგრნოზირებენ.

ამ წუთისთვის 126 643 დადასტურებული შემთხვევაა მსოფლიოს 110 ქვეყანაში, საიდანაც გარდაცვლილთა რიცხვი 4 638-ია, ხოლო გამოჯანმრთელებულების რიცხვი 68 000-ს სცდება. დახურული შემთხვევების 94% გამოჯანმრთელებით დასრულდა, ხოლო 6% გარდაცვალებით. ამ წუთისთვის ღიადაა დატოვებული 47 972 შემთხვევა, საიდანაც 5 708 შემთხვევა სერიოზული ან კრიტიკულია, რაც საერთო რაოდენობაში 11%-ს შეადგენს.

თქვენ შეხვდებოდით სტატიებს ტომ ჰენკსისა და რიტა უილსონის დაინფიცირებასთან დაკავშირებით. კორონავირუსის დადებითი პასუხი აჩვენა იტალიური საფეხბურთო კლუბ იუვენტუსის მცველის, დანიელე რუგანის ტესტმაც. ირანში ვიცე პრეზიდენტს და მინისტრთა კაბინეტიდან ორ პირს დაუდგინდა კორონავირუსი.