იტალიაში მცხოვრები ქართველი სტუდენტი, ქრისტინა აფაქიძე თვითიზოლაციაში იმყოფება და სამშობლოში დაბრუნებას ითხოვს. ამის შესახებ ინფორმაციას “ბათუმელები’’ ავრცელებს. გოგონას თქმით რამდენიმე დღის წინ ლექტორისგან შეტყობინება მიიღო სწავლის გადადების თაობაზე, მაშინ როდესაც საქრთველოს უკვე შეწყვეტილი ჰქონდა სწავლა. იტალიამ ვირუსის საფრთხე გვიან იგრძნო.

„იმ დღეს ლექტორს ტელეფონზე შეტყობინება მოუვიდა, უი, მგონი ხვალ აღარ მოვალთო… მეორე დღეს მოგვწერეს, რომ უნივერსიტეტში აღარ უნდა მივსულიყავით – სწავლა გადაიდო. ეს 4 მარტი იყო. ამ დროს საქართველოს უნივერსიტეტებში, სკოლებში, ბაღებში სწავლა უკვე შეწყვეტილი იყო. ახლა მიკვირს, რატომ ვერ იგრძნო იტალიამ უკიდურეს სიტუაციამდე ამ ვირუსის საფრთხე’’ - ამბობს ქრისტინა აფაქიძე.

ქართველი სტუდენტის ინფორმაციით, ამ დროისათვის იტალიაში გამოუაილი სიტუაციაა, სწორედ ამიტომ სურს საქმშობლოში დაბრუნდეს, მუხედავად იმისა, იცის რომ მოუწევს საკარანტინო ზონაში ყოფნა.

“იზოლაციაში ვართ, მაგრამ აქ ისეთი სიტუაციაა, ვეღარ ვხდები, აქ რატომ უნდა დავრჩე – ვიცი, საქართველოში დაბრუნება რომ მოვახერხო, კარანტინში მომიწევს ყოფნა, მაგრამ ამისთვის მზად ვარ. აქ, გარდა იმისა, რომ უკვე ყველაფერი რთულია, საკუთარ თავთან გამკლავებაც გიწევს – მარტო ხარ.

რამდენჯერმე მივმართე საელჩოს. მითხრეს, რომ ამ ეტაპზე რეისი საქართველოსკენ არ იგეგმება და უნდა დაველოდო სიახლეს. 15 მარტამდე ვისაც ჰქონდა ბილეთი აღებული, მათთვის სპეციალური რეისი დაინიშნა. ჩვენი ბედი გაურკვეველია. არ ვიცი, აქ კიდევ რამდენია ჩემს მდგომარეობაში,’’ – განმარტავს ქრისტინა.

მისივე თქმით სწავლის შეწყვეტის შემდეგ უნივერსიტეტმა ონლაინპროგრამები აამოქმედა. ამ რეჟიმში კი ქრისტინას განათლების მიღება საქართველოდანაც შეუძლია. ამ დროსათვის არც ის ინფორმაციაა ცნობილი თუ როდის განახლდება სასწავლო პროცესი იტალიაში.

ქრისტინა აფაქიძე ჰყვება რომში არსებულ დაძაბულ მდგომარებაზე, იგი აქვე დასძენს, რომ არავინ ამოწმებს იზოლაციაში მყოფ ადამიანების ჯანმრთელობის მდგომარეობას. არც ის ხდება ცნობილი უტარდება თუ არა საზოგადოებრივ ტრასპორტს დეზინფექცია.

“გაგვაფრთხილეს, რომ იზოლაციაში უნდა ვიყოთ, თუმცა არავინ მოსულა, არ შეუმოწმებია რამე. არც ის გამიგია, რომ ვინმემ საზოგადოებრივი ტრანსპორტის დეზინფექცია ჩაატარა, პირბადეებიც, მგონი, საქართველოში უფრო ადრე გაიკეთეს, ვიდრე აქ.

სახლიდან ძირითადად მაშინ გავდივარ, როცა საკვების შეძენა მჭირდება. მარკეტებთან დიდი რიგებია, რიგს მარკეტის თანამშრომლები აწესრიგებენ – ვიღაც რომ გამოვა, მერე შეხვალ. გვაფრთხილებენ, რომ ერთმანეთისგან დისტანცია უნდა დავიცვათ.

ძირითადად ყველაფერი დაკეტილია. ადამიანები პარკებსა და სკვერებში გამოდიან, ბავშვები გამოჰყავს. მუშაობს რესტორნებიც, თუმცა ძირითადად საღამოს შვიდამდე.

ჩემი დაკვირვებით ხანდაზმულმა ადამიანებმა უფრო იგრძნეს საფრთხე, ვიდრე ახალგაზრდებმა. მათ ეტყობათ უფრო, რომ ღელავენ, სხვას პროტესტი არ გამოუხატავს, ან მე არ მომისმენია,’’ – ჰყვება საკუთარ შთაბეჭდილებას რომში მყოფი ქართველი სწტუდენტი.