კრიშტიანო რონალდო კარანტინის ზონაში მოათავსეს მას შემდეგ, რაც მის თანაგუნდელს, დანიელე რუგანის კორონავირუსის ინფექცია დაუდასტურდა. იტალიელ მცველს მას შემდეგ აღმოაჩნდა დაავადება, რაც იუვენტუსმა რამდენიმე დღის წინ გამართა მატჩი მილანის ინტერის წინააღმდეგ.

ორივე გუნდის ფეხბურთელები, სამწვრთნელი შტაბი, მსაჯები და ყოველი მათგანი ვინც ჩართულნი იყვნენ თამაშში, უკვე კარანტინში იმყოფებიან.იუვენტუსის ოფიციალურ განცხადებაში ნათქვამია: "იუვენტუსი ახორციელებს იზოლაციის ყველა პროცედურას, რაც მოთხოვნილია კანონის შესაბამისად- მიმდინარეობს თითოეული ადამიანის აღწერა და დაკვირვება ვისთანაც ჰქონდა კონტაქტი რუგანის".

შეგახსენებთ, რომ მთავრობის გადაწყვეტილებით იტალიის საფეხბურთო ჩემპიონატის, სერია ა-ს ყველა მატჩი კორონავირუსის გავრცელების საფრთხის გამო შეჩერებულია. გავრცელებული ინფორმაციით, იუვენტუსის დაგეგმილი განმეორებითი შეხვედრა ლიონის ოლიმპიკის წინააღმდეგ უკვე გაუქმებულია განუსაზღვრელი ვადით.