დაავადებათა კონტროლის ცენტრის ხელმძღვანელი ამირან გამყრელიძე აცხადებს, რომ ქვეყანა პანდემიისთვის მზადაა.

მისი თქმით, ჯანდაცვის სისტემის მზადყოფნის სამი სცენარი არის მზად და თვის ბოლომდე 20 ათასი ლაბორატორიული კვლევის ჩატარების საშუალებაც ექნებათ.

"პანდემიის განსაზღვრება გახლავთ ის, რომ როდესაც დიდი რაოდენობის შემთხვევები არის ყველა კონტინენტზე და თითქმის ყველა ქვეყანაში უკვე. ჯანმრთელობის მსოფლიო ორგანიზაციამ 10 დღის წინ გამოაცხადა პანდემიური მზადყოფნა და ჩვენ უფრო მეტად გავაძლიერეთ რეჟიმები, კარანტინები, თვითიზოლაცია, საავადმყოფოების მზადყოფნა. პანდემიის დროს უკვე შენი გადასწყვეტია ქვეყნის. ის გეუბნება, რომ უკვე პანდემიაა და შენ ყველა ქვეყნიდან საფრთხე გაქვს. მაგალითად, ჩვენ კარანტინში გადაგვყავს ჩინეთიდან, ირანიდან, სამხრეთ კორეიდან და იტალიიდან შემოსული ყველა ადამიანი",- თქვა გამყრელიძემ.