ძაღლის სასეირნოდ გასული 17 წლის მოზარდი სასიკვდილოდ გაიმეტეს - ერეკლე ჩეკურიშვილს საზოგადოების დახმარება სჭირდება

საზოგადოება - 19:10, 11 Mar, 2020

1139

9 აგვისტოს თბილისში, ჩიქობავას ქუჩაზე ძაღლის სეირნობისას ცეცხლსასროლი იარაღით 17 წლის ერეკლე ჩეკურიშვილი თავის არეში დაჭრეს. ბიჭი უმძიმეს მდგომარეობაშია და ღუდუშაურის კლინიკაში რეანიმაციულ განყოფილებაში იმყოფება.

ერეკლეს სასწრაფოდ ესაჭიროება გადაყვანა, რომელიც დიდ ხარჯებთან არის დაკავშირებული. ოჯახს საზოგადოების დახმარების იმედი აქვს.

"17 წლის ერეკლე ჩეკურიშვილია! ერეკლეს არა ბუნებამ, არა საკუთარმა ორგანიზმმა, არამედ, ადამიანებმა უმუხთლეს!

ამიტომ, მთელი პასუხისმგებლობა ჩვენ, სხვა ადამიანებმა უნდა ავიღოთ მის გადარჩენაზე. ეს არის ჩვენი პირდაპირი ვალი და მოვალეობა.

სკოლის მოსწავლე , სპორტსმენი ბიჭი, გამორჩეული და საუკეთესო - საყვარელი ძაღლის გასასეირნებლად ეზოში ჩასული - ჯერ არ დაბრუნებია ოჯახს და ის ჩვენ უნდა დავაბრუნოთ.

ერთადერთი კლინიკა გერმანიაში, ვინც ერეკლესთვის ბრძოლას დასთანხმდა 145 000 € ითხოვს ბრძოლის სამაგიეროდ. არადა, თავში ჩარჩენილი 4 საფანტის ტყვია - სასწაფოდ, სასწრაფოდ არის ამოსაღები და სხვა ზომებიც აუცილებლად მისაღებია დროულად. ანტიბიოტიკების თითქმის მთელი სპექტრი უკვე გამოყენებულია და დრო ჩვენს სასარგებლოდ არ მუშაობს.

საბანკო ანგარიშები ერეკლესთან ერთად ბრძოლის მსურველთათვის:

საქართველოს ბანკი: #GE73BG0000000190588200

TBC Bank:#GE14TB7525245061100076

ორივე საბანკო ანგარიშზე მიმღებია - ნინო ჩეკურიშვილი. ( ერეკლეს დედიკო )

საქველმოქმედო ზარის ღირებულება 1₾ 0901701533

მეგობრებო, დღეს ისეთი ნაბიჯების გადადგმაა საჭირო ერეკლესთვის, რაც ჯაჭვურ რეაქციას გამოიწვევს, სიკეთის აურზაურს დააყენებს, გამოგვაცოცხლებს, გამოგვაფხიზლებს და ადამიანის ხელით ჩადენილ დანაშაულს - გამოგვასყიდინებს" - ნათქვამია ერეკლეს დედის მიმართვაში.