კომპანია „თელასი'' კორონავირუისის გავრცელების პრევენციის მიზნით მომხმარებელს მოუწოდებს, ისარგებლონ დისტანციური მომსახურეობით.

''COVID-19-ის გავრცელების პრევენციის მიზნით სს „თელასი“ ითვალისწინებს დაავადებათა კონტროლის და საზოგადოებრივი ჯანმრთელობის ეროვნული ცენტრის რეკომენდაციებს და მოუწოდებს მომხმარებლებს ისარგებლონ დისტანციური მომსახურებით.

ვებ-გვერდზე (my.telasi.ge) რეგისტრაციის გავლის შემდეგ მომხმარებელს შეუძლია ონლაინ რეჟიმში განცხადების შევსება ახალ აბონენტად დარეგისტრირების და გამანაწილებელ ქსელზე მიერთების შესახებ.''-ვკითხულობთ ოფიციალურ განცხადებაში, კომპანიის ვებგევრდზე.

კომპანია, ასევე მიმართვას მომხმარებლებს რომ მაქსიმალურად შეიკავონ თავი კომპანიის ბიზნეს ცენტრებში ვიზიტებისგან და ისარგებლონ დისტანციური მომსახურებით.