ავღანეთის პრეზიდენტმა, აშრაფ ღანმა მხარი დაუჭირა ახალ კანონმდებლობას, რომლის საფუძველზეც ორგანიზაცია თალიბანის წევრებს საპატიმროებიდან გაათვისუფლებენ. ავღანეთის პრეზიდენტის სასახლის სპიკერმა, სედიქ სედიქმა განაცხადა, რომ ღანმა ხელი მოაწერა ბრძანებულებას, რომლის თანახმადაც 1500 თალიბანელი პატიმარი გათავისუფლდება ციხეებიდან.

სედიქმა განაცხადა, რომ 1500 პატიმარი მომდევნო 15 დღის განმავლობაში დატოვებს საპატიმროს- ყოველ დღე 100 მათგანი გათავისულდება ციხიდან. საერთო ჯამში კი სულ 3500 თალიბანელი უნდა გაათავისუფლოს ავღანეთის მთავრობამ, რაც ღანსა და თალიბანის ხელმძღვანელობას შორის გაფორმებული შეთანხმების ძირითადი პირობაა.

დადგენილებაში აგრეთვე აღნიშნულია, რომ პატიმრებმა ავღანეთის მთავრობას ხელწერილის საფუძველზე გარანტია უნდა მისცენ, რომ ბრძოლის ველზე არ დაბრუნდებიან.

შეგახსენებთ, რომ აშშ-სა და თალიბანს შორის მოლაპარაკებები გაიმართა 29 თებერბალს „18 წლიანი ომის“ დასრულებასთან დაკავშირებით, რომლის საფუძველზეც ავღანეთის მთავრობამ პირობა დადო, რომ 5000 თალიბანელი პატიმარი უნდა გაათავისუფლოს, სანაცვლოდ კი სამხედრო დაჯგუფებები გაათავისუფლებენ ავღანეთის მთავრობის 1000 მაღალჩინოსანს.