შსს, საქართველოს მასშტაბით ტყის ხანძრებთან დაკავშირებით უახლოეს ინფორმაციას ავრცელებს

საზოგადოება - 12:12, 11 Mar, 2020

481

შინაგან საქმეთა სამინისტროს საგანგებო სიტუაციების მართვის სამსახური, საქართველოს მასშტაბით ტყის, ტყის ქვედა საფარის და მინდვრის ხანძრებთან დაკავშირებით ავრცელებს განახლებულ ინფორმაციას.
სამინისტროს ინფორმაციით ამ დროისთვის ხანძრები ლიკვიდირებულია:

სამეგრელო - წალენჯიხის მუნიციპალიტეტი: სოფელები ზღვაია, ნაკუფუ.
ზუგდიდის მუნიციპალიტეტი: ზემო ეწერი.
ჩხოროწყუს 7 სოფელი,
მარტვილში სოფელი ლესიჭინე.

გურია - ოზურგეთის მუნიციპალიტეტი სოფელი ვაკიჯვარი. ასევე ლიკვიდაციაა სოფელ მამათში.

აჭარა - ქობულეთში.

იმერეთში - ხონში, ტყიბულში, კოპიტნარსა და საჩხერეში.

კახეთში - გომბორის უღელტეხილზე.

ხანძარი ლოკალიზებულია, ღია კერები აღარ არის და კონტროლს ექვედებარება:
სამეგრელო- წალენჯიხის მუნიციპალიტეტი სოფელი ჩქვალერი.

გურია- ოზურგეთის მუნიციპალიტეტი სოფელი გომი.
რაჭა - ამბროლაურის მუნიციპალიტეტი სოფელი კრიხი. ონის მუნიციპალიტეტი სოფელი ძეგლევი.
ქვემო ქართლი - დედოფლისწყარო.
ღია კერა შენარჩუნებულია:
აჭარა - ხელვაჩაურის მუნიციპალიტეტი სოფელი ზედე ჯოჭო. იწვის შერეული ტყის ქვედა საფარი. მობილიზებულია 50-მდე მეხანძრე-მაშველი და 4 სახანძრო-სამაშველო ტექნიკა.

ბოლო 4 დღეში, მთელი საქართველოს მასშტაბის მობილიზებული იყო 1000 მეხანძრე-მაშველი, ათეულობით სახანძრო-სამაშველო ტექნიკა, სასაზღვრო პოლიციის 4 ვერტმფრენი, რომლებმაც ჯამში 318 დასხმა განახორციელეს.
ცალკეულ შემთხვევებში მეხანძრე-მაშველებს ეხმარებოდნენ მოხალისეები, ასევე გარემოს დაცვისა და სოფლის მეურნეობის სამინისტროს, ეროვნული სატყეო სააგენტოს მეტყევეები და დაცული ტერიტორიების სააგენტოს რეინჯერები.

ამ დროისთვის საქართველოს მასსშტაბით სიტუაცია კონტროლს სრულად ექვემდებარება.