კომპანია „კასპერსკის ლაბორატორიის" წარმომადგენლობამ მსოფლიოს მასშტაბით კვლევა ჩაატარა, სადაც შეჯამებულია მობილურ პროგრამებზე კიბერთავდასხმის მაჩვენებლები, როგორც მსოფლიოს სხვადახვა ქვეყნებში, ასევე საქართველოშიც.

კომპანიის ინფორმაციით, მაჩვენებელი რომლის მიხედვითაც ხდებოდა 2019 წელს საქართველოში მომხმარებელთა 1.78% -მა იწვნია მობილურებზე მავნე პროგრამების შეტევები, მაშინ როცა ერთი წლის წინათ, ეს მაჩვენებელი თითქმის სამჯერ აღემატებოდა და შეადგენდა 5.17%-ს. სომხეთში 2019 წელს მობილურ მოწყობილობებზე მავნე პროგრამების თავდასხმის მაჩვენებელმი შემცირდა და შეადგინა - 2.57%, 2018 წლის 4.76%-თან შედარებით, აზერბაიჯანში კი პირიქით, ასეთი მომხმარებლების წილი ბევრად გაიზარდა და გასულ წელს ადგენდა 5.05%-ს, 2018 წელს კი - 2,95 %-ს. ამის შესახებ მოწმობს კომპანია „კასპერსკის ლაბორატორიის" მონაცემები. კასპერსკი

კომპანიის ცნობით, 2019 წელს მობილური მავნე პროგრამები თავს დაესხნენ ყველაზე მეტად ირანის მომხმარებლებს (60.64%), პაკისტანს (44.43%) და ბანგლადეშს (43.17%).

რაც შეეხება მსოფლიოში მობილური საფრთხეების გამოვლენილი შეტევების რაოდენობას, 2018 წელს 116.5 მილიონი იყო, ხოლო 2019 წელს - უკვე 80 მილიონი.

მობილური მოწყობილობების ინფიცირების თავიდან ასაცილებლად, ექსპერტები რეკომენდაციას იძლევიან, რომ მომხმარებლებმა აპლიკაციები მხოლოდ სანდო წყაროებიდან ჩამოტვირთონ და მოწყობილობის პარამეტრებში გამორთონ მესამე მხარის წყაროებიდან პროგრამების დაყენების შესაძლებლობა. დროულად განაახლონ სისტემა და მნიშვნელოვანი პროგრამები. მიმდინარე ვერსიების ინსტალაციით გადაიჭრება უსაფრთხოების მრავალი პრობლემა. ყურადღებით უნდა მოეკიდნონ SMS შეტყობინებას, ელფოსტას, მესინჯერებს სოციალურ ქსელებში და არ გადავიდნენ გადაუმოწმებელ ბმულებზე ბრაუზერში, რათა არ მოხვდეთ ფიშინგის გვერდზე.უნდა დააყენონ ეფექტური ანტივირუსი თავიანთ მობილურ მოწყობილობაზე.