ოზურგეთში თვითიზოლაციაში მყოფ ქალს საჩხერის საკარანტინო ზონაში გადაიყვანენ. როგოეც ირკვევა, ქალი ოთხი დღის წინ ოზურგეთში იტალიიდან ჩავიდა, თუმცა ის ხშირად არღვევდა იზოლაციის წესებს, რის შესახებაც ადგილობრივებმა ეპიდემიოლოგებს აცნობეს. ვითარებაში პოლიციაც ჩაერია.

ოზურგეთის მუნიციპალიტეტის მერიის გადაწყვეტილებით, გრიბოედოვის ქუჩაზე არსებულ სკვერებსა და პარკებში, რომლებსაც საღამოობით თვითიზოლაციაში მყოფი, იტალიიდან დაბრუნებული ადგილობრივი სტუმრობდა და ვარჯიშობდა, სადეზინფექციო სამუშაოები ჩატარდება.