მეცნიერებმა დაადასტურეს, რომ კორონავირუსის საინკუბაციო პერიოდი საშუალოდ 5 დღეს შეადგენს. კოვიდ-19-ის ვირუსი, რომლის სიმპტომებს წარმოადგენს სიცხე, ხველება და სუნთქვის პრობლემები, უკვე მთელი მსოფლიოს მასშტაბით გავრცელდა და 115 000-ზე მეტი ინფიცირებული ჰყავს.

ამერიკელ მეცნიერთა ჯგუფმა კორონავირუსით დაინფიცირებულთა ანალიზის შედეგად დაადგინდა, რომ უმრავლეს შემთხვევაში დაავადებულებს სიმპტომები 5 დღეში აღენიშნებათ. მკვლევართა აზრით, მათ ვისაც მე-12 დღის შემდეგაც სიმპტომები არ აღენიშნებათ, ნაკლებ სავარაუდოა რომ დაავადებისთვის დამახასიათებელი ნიშნები მიიღონ, თუმცა შესაძლოა უბრალოდ ინფექციის მატარებლები იყვნენ.

მკვლევარები ურჩევენ ადამიანებს, რომ მოახდინონ თვითიზოლაცია 14 დღის განმავლობაში, რათა გამორიცხონ ყოველგვარი რისკი ინფექციის გავრცელებისა.

ამერიკელ და ბრიტანელ მედიკოსთა ჯგუფის აზრით, იმ შემთხვევაში თუ საშუალოდ 100 ადამიანი ყოველ ზემოაღნიშნულ წესებს დაიცავს და 2 კვირის განმავლობაში მოახდენს თვითიზოლაციას, არის მაინც იმის საფრთხე რომ მათგან ერთს მაინც სიმპტომები 14 დღის შემდეგ განუვითარდეს.