ბოლო ათი წლის განმავლობაში ნატოს ყველაზე დიდი სტრატეგიული მანევრები Steadfast Jazz შაბათს, 2 ნოემბერს პოლონეთისა და ბალტიის ქვეყნების ტერირორიებზე დაიწყება, იუწყება უკრაინული მედია.

სწავლებაში ჩართული იქნება 6 ათასი სამხედრო მოსამსახურე, 350 ერთეული სახმელეთო ტექნიკა, 57 თვითმფრინავი და ვერტმფრენი და 13 გემი.

საბრძოლო მოქმედებებს შეიმუშავებენ მოტომსროლელი ჯარების დაახლოებით ათასი ჯარისკაცი, მასობრივი განადგურების იარაღისგან დაცვის ჯარების ბატალიონი, ჯავშანტანკოსან ჯარებთან მებრძოლი, რადიოელექტრული ომის და მზვერავთა ქვედანაყოფები.

წვრთნების ოფიციალური მიზანია: „მართვისა და კონტროლის შესაძლებლობების ტესტირება, ასევე - ნატოს სწრაფი რეაგირების ძალთა ერთობლივი მოქმედების“, რომლებიც განკუთვნილია სამხედრო კრიზისებზე ოპერატიული პასუხისთვის. სცენარი ითვალისწინებს გარედან თავდასხმაზე მოკავშირეთა ერთობლივ პასუხს. ნატოს გენერალური მდივნის - ანდრეს ფოგ რასმუსენის თქმით, ეს მანევრები საშუალებას იძლევა „გამოიმუშაონ ალიანსის სწრაფი რეაგირების ძალების განლაგება და ნებისმიერი საფრთხის არიდება“.

წვრთნების სცენარი ითვალისწინებს რეგიონალური კონფლიქტის წარმოშობის შესაძლებლობას. „ლეგენდის თანახმად“, ნატოს არაწევრი ქვეყანა, ტერიტორიულ პრეტენზიებს უყენებს ესტონეთს და მისი ტერიტორიის ნაწილს იპყრობს. ჩრდილოატლანტიკური ალიანსი იღებს გადაწყვეტილებას აამუშაოს კოლექტიური თავდაცვის მექანიზმი და კონფლიქტის რაიონში სწრაფი რეაგირების ძალებს მიმართავს.

ცენტრალურ და აღმოსავლეთ ევროპის რეგიონში ნატოს დიდი წვრთნის ჩატარების მიღწევას წლების განმავლობაში ცდილობდნენ ვიშეგრადის ჯგუფის ქვეყნები (უნგრეთი, პოლონეთი, სლოვაკეთი და ჩეხეთი) და ბალტიის სახელმწიფოები. მთავარი მიზანი იყო, რომ სწრაფი რეაგირების ძალებს დაემუშავებინათ არამარტო შტაბური ღონისძიებები, არამედ ასევე ემოქმედათ პოლიგონზე რაც შეიძლება მეტი ჯარისკაცის მონაწილეობით.