თბილისის ინფექციურ საავამდყოფოში ახალი კორონოვირუსის დიაგნოზით 14 პაციენტი იმყოფება.

თბილისის ინფექციური კლინიკის სამედიცინო დირექტორის, მარინა ეზუგბაიას თქმით, კიდევ ერთი, მეთხუთმეტე პაიენტი, რომელსაც ვირუსი, ლაბორატორიულად დაუდგინდა, საჩხერის კლინიკაშია მოთავსებული.

როგორც ირკვევა, ორი ახალი პაციენტიდან, რომელთაც ახალი კორონავირუსი დაუდასტურდათ, ერთი მეოთხე ინფიცირებულის კლასტერიდან არის და მასთან ჰქონდა კონტაქტი. მეორე პირი კი, საქართველოში ესპანეთიდან ჩამოვიდა, თუმცა, მას ხანგრძლივი და ხშირი კონტაქტი ჰქონდა იტალიელებთან.

“ორი ახალი პაციენტიდან ერთი გახლავთ მეოთხე პაციენტის კლასტერში, ანუ მას ჰქონდა კონტაქტი იმ პირთან, რომელიც მეოთხე ინფიცირებული შემთხვევაა. მეორე დადასტურებული შემთხვევა ეს არის ესპანეთიდან ჩამოსული პირი, მაგრამ მას ხანგრძლივი და ხშირი კონტაქტები ჰქონდა იტალიელებთან, ამიტომ ამ ეტაპზე ვერ გეტყვით ეს შემოტანილი შემთხვევა შეიძლება ჩაითვალოს ესპანეთის შემთხვევად, თუ იტალიის შემთხვევად. ამას ამ წუთში ჩვენთვის დიდი მნიშვნელობა არ აქვს. მოხდება ახალი პაციენტების კონტაქტების მოკვლევა“, - აცხადებს ეზუგბაია.