"იმის გამო, რომ საფრთხე არსებობს, ერთმანეთს ნუ მივაყენებთ შეურაცხყოფას და ერთმანეთის საღ აზროვნებაში ნუ შეგვეპარება ეჭვი"

"იმის გამო, რომ საფრთხე არსებობს, ერთმანეთს ნუ მივაყენებთ შეურაცხყოფას და ერთმანეთის საღ აზროვნებაში ნუ შეგვეპარება ეჭვი" - მეუფე ნიკოლოზი

საზოგადოება - 17:30, 08 Mar, 2020

968

საკვირაო წირვის შემდეგ ჟურნალისტები სასულიერო პირებს გაესაუბრნენ და კორონა ვირუსის საფრთხესა და ეკლესის გეგმებზე დაუსვეს კითხვები, აპირებენ თუ არა დეზინფექციის ჩატარებას ან რაიმე სხვა ღონისძიების გატარებას ვირუსის გავრცელების პრევენციის მიზნით.

მეუფე ნიკოლოზმა განაცხადა, რომ მზად არიან ითანამშრომლონ ხელისუფლებასთან და საზოგადოებას თხოვნით მიმართა, ნუ შექმნიან პანიკას და ასევე საფრთხისა და შიშის განცდის გამო ნუ მივაყენებთ ერთმანეთს შეურაცხყოფას და ნუ დავადანაშაულებთ ერთმანეთს საღი აზრის არ ქონაში.

"ამ ახალ ვირუსთან, რომელიც მთელ მსოფლიოში გამოჩნდა, ბრძოლა მიმდინარეობს მთელ მსოფლიოში და მათ შორის ჩვენს ქვეყანაში. ვირუსის დამარცხება, ავადმყოფობის მკურნალობა დაკავშირებული არიან თანხებთან და პრევენცია, თავის დაზღვევა, რომ ავადმყოფობა არ დაგემართოს, უფრო დიდ თანხებთან არის დაკავშირებული. პანიკასთან ბრძოლა კიდევ უფრო დიდ თანხებთან არის დაკავშირებული. ამიტომ ყველას მოგიწოდებთ, ნუ შეგვეპარება ეჭვი ერთმანეთის ადეკვატურობაში. ყველამ ერთად მივიღოთ მონაწილეობა იმაში, რომ შევაჩეროთ ეს პანიკა. რა თქმა უნდა, საშიშია ავადმყოფობა, არასასიამოვნოა რომ დაგემართოს და ის შიში, რაც ადამიანს გააჩნია, რომ შეიძლება დაემართოს ყოველ დაცემინებაზე, რა თქმა უნდა, ძალიან უსიამოვნო პროცესია. მაგრამ იმის გამო, რომ საფრთხე არსებობს, ერთმანეთს ნუ მივაყენებთ შეურაცხყოფას და ერთმანეთის საღ აზროვნებაში ნუ შეგვეპარება ეჭვი",- განაცხადა მეუფე ნიკოლოზმა.