იტალიელი პოლიტიკოსი, დემოკრატიული პარტიის ლიდერი, ნიკოლა ზინგარეტი კორონავირუსით დაავადდა. ამის შესახებ მან ფეისბუქზე გამოქვეყნებულ ვიდეო მიმართვაში განაცხადა.

ზინგარეტიმ, რომელიც აგრეთვე ცენტრალური იტალიური პროვინციის, ლაციოს პრეზიდენტია, დაარწმუნა თავისი გამომწერები და მეგობრები სოციალურ ქსელზე, რომ იგი კარგად გრძნობს თავს, თუმცა სახლში დარჩენას აპირებს გარკვეული ხნით. მან ყველას გამბედაობა და სიმამაცე უსურვა ვიდეო მიმართვაში.

ზინგარეტიმ იტალიელებს მოუწოდა, რომ არ დაპანიკდნენ, რისი მაგალითიც უნდა რომ თვითონ იყოს იმ რეკომენდაციების შესრულებით, რასაც მედიკოსები გასცემენ.

შეგახსენებთ, რომ კორონავირუსის გამო ძალზე მძიმე ვითარებაა შექმნილი იტალიაში. გარდაცვლილთა და დაღუპულთა რაოდენობა ყოველდღე საკმაოდ იზრდება. ოფიციალური მონაცემებით დაინფიცირებულთა რიცხვი უკვე 5000-მდეა, რომელთაგან ფატალური 198 აღმოჩნდა.