ტაილანდელმა მოსამართლემ სასამართლოში არსებული უსამართლობის გამო თავი მოიკლა. აღნიშნული შემთხვევა მას შემდეგ მოხდა, რაც კანაკორნ პაინჩანამ სასამართლო სისტემაში ხელისუფლების მაღალჩინოსანთა უშუალო ჩარევისა და ზეწოლის შესახებ განაცხადა, რომლის შემდეგაც ცეცხლსასროლი იარაღით თავის არეში გასროლა განახორციელა და ადგილზე გარდაიცვალა.

კანაკორნი თავის წერილში აღნიშნავდა, რომ გასული წლის "ოქტომბრის ინციდენტის" შემდეგ, მას ბრალს დებდნენ სისხლის სამართლის დანაშაულში.

2019 წლის ოქტომბერში მოსამართლემ 25 გვერდიანი განცხადება გამოაქვეყნა ინტერნეტში, სადაც იგი გამოთქვამდა შეშფოთბასა და წუხილს მაღალჩინოსანთა ჩარევის გამო, რომლებიც ცდილობდნენ, მასზე ზეწოლა მოეხდინათ და ეიძულებინათ, მიკერძოებული გადაწყვეტილება მიეღო. კანაკორნს დაავალეს, რომ დანაშაულში ბრალდებული ხუთი პირიდან სამისთვის სიკვდილით დასჯის განაჩენი უნდა გამოეტანა, ხოლო ორი მათგანისთვის სამუდამო პატიმრობა მიესაჯა. მისი თქით, იგი აღნიშნულ ბრძანებას ვერ შეასრულებდა, რადგან სასიკვდილო განაჩენი და სამუდამო პატიმრობა მხოლოდ წინასწარგანზრახული მკვლელობის დროს დგება გარკვეულ გარემოებებში.

კანაკორნს თვითმკვლელობის პირველი მცდელობა განაჩენის გამოტანისთანავე ჰქონდა- მას შემდეგ რაც 2019 წლის ოქტომბერში კანაკორნმა მკვლელობის საქმეში ეჭვმიტანილი ხუთი მუსლიმი უდანაშაულოდ სცნო, მან ცეცხლსასროლი იარაღით გულმკერდის არეშე ისროლა, თუმცა სასიკვდილო არ აღმოჩნდა ჭრილობა და გადარჩა.

მან სიკვდილის წინ დაწერილ წერილში მიმართა სასამართლო სისტემას და აღნიშნა, რომ სარწმუნო და გამჭვირვალე სამხილების გარეშე, უდანაშაულო ადამიანების დასჯა მათ განტევების ვაცად აქცევს - „ დაუბრუნეთ განაჩენი სასამართლოს, დაუბრუნეთ სამართლიანობა ხალხს“