ინფექციური საავადმყოფოს სამედიცინო დირექტორის მარინა ეზუგბაია აცხადებს, რომ დღეს ახალი კორონავირუსით ინფექციაზე ტესტირება კიდევ 17 ადამიანს ჩაუტარდება.

მისი თქმით, ამ დროისთვის ინფექციურ საავადმყოფოში სულ 46 პაციენტი იმყოფება.

„ამ დროისთვის ცენტრში გვყავს 46 პაციენტი. გუშინ ჩვენს ცენტრში მოთავსებულ 21 პაციენტს ტესტირება ჩაუტარდა და მათთან ყველა პასუხი იყო უარყოფითი. ნაწილმა დატოვა კლინიკა და გადავიდა საკარანტინო ზონაში, ხოლო ნაწილი, რომელსაც უარყოფითი პასუხი გვიან ღამით დაუდასტურდა, თანდათანობით დატოვებს ჩვენს ცენტრს. იმ პირების რაოდენობა, ვისაც ტესტირება დღეს დილისთვის უნდა ჩაუტარდეს, არის 17 პაციენტი,“ - განაცხადა ეზუგბაიამ.

ცნობისთვის, ბოლო მონაცემებით, საქართველოში კორონავირუსის 12 შემთხვევაა სულ დადასტურებული. აქედან სამი ინფიცირებული დღეს დაემატა.