შეწყვეტს თუ არა კორონავირუსი გავრცელებას ზაფხულში - ჯანდაცვის მსოფლიო ორგანიზაციის წარმომადგენელი მაიკ რაიანი აცხადებს, რომ ჯერჯერობით უცნობია რა აქტიურობას და ქცევას ავლენს ვირუსი სხვადასხვა კლიმატურ პირობებში.

მისი თქმით, ცრუ იმედია იმის თქმა, რომ ზაფხულში ვირუსი გაქრება.

"ჯერ არ ვიცით, რა აქტიურობას და ქცევას ავლენს ვირუსი სხვადასხვა კლიმატურ პირობებში. ჩვენ უნდა ვივარაუდოთ, რომ ვირუსს ექნება გავრცელების შესაძლებლობა...”ცრუ იმედია იმის თქმა, რომ დიახ, ის უბრალოდ გაქრება ზაფხულში, გრიპის ვირუსის მსგავსად ... ახლა არანაირი მტკიცებულება არ არსებობს, რომ ეს ასე მოხდება” - განაცხადა რაიანმა.