თავდაცვის ყოფილი მინისტრის,ირაკლი ოქრუაშვილის ადვოკატი ამბობს, რომ პროკურატურას ოქრუაშვილის წინააღმდეგ მტკიცებულებები არ აქვს.

როგორც მამუკა ჭაბაშილმა განმარტა, ტელეფონის ნომერი, საიდანაც ბრალდების მხარის განცხადებით, ოქრუაშვილმა ბუტა რობაქიძის მკვლელობის ადგილზე მყოფ პირებს დაურეკა, ირაკლი ოქრუაშვილს არ ეკუთვნოდა და არც დაურეკავს.

„ამ საქმეში ბრალდების მხარემ ყველაფერი გადათელა - კონსტიტუცია, დამკვიდრებული პრაქტიკა, ხანდაზმულობის ვადები და ერთადერთი მიზანი აქვთ, ნებისმიერი ფორმით, ოქრუაშვილი პატიმრობაში იყოს“, - განაცხადა ჭაბაშვილმა.