ინფექციურ საავადმყოფოში წუხელ ღამით ვირუსის ნიშნებით კიდევ ორი პაციენტი შეიყვანეს. ამ დროისთვის კლინიკაში ვირუსული ინფექციით 24 პირია მოთავსებული. 24 პირიდან 9-ს კორონავირუსის შემთხვევა დაუდასტურდა.

კლინიკაში ამბობენ, რომ 8 მათგანის მდგომარეობა სტაბილურია, მე-9 პირის კი - უკეთესი.

"4 ადამიანს დღეს აუღებენ ანალიზს, დანარჩენი 9 პირი კი ინფექციური საავადმყოფოს სხვადასხვა განყოფილებაშია გადანაწილებული“, - განაცხადეს კლინიკაში.

გავრცელებული ცნობით, კლინიკაში იმყოფებიან ახალდაქორწინებულები, რომლებიც საქორწინო მოგზაურობაში, იტალიაში იმყოფებოდა.