ჯანდაცვის მსოფლიო ორგანიზაციის ინფორმაციით, კორონავირუსისგან უკვე 53 697 ადამიანი განიკურნა. ჩინეთი, რომელიც ვირუსის ეპიცენტრია ამ დრომდე ყველაზე ეფექტურად ებრძვის კოვიდ 19-ის დაავადებას . ოფიციალური ინფორმაციით, 80 430 დაინფიცირებულიდან 52 216 განკურნეს და უმრავლესი მათგანი სახლში გაწერეს. საინტერესოა აგრეთვე ვიეტნამის შემთხვევაც, სადაც 16 დაინფიცირებულიდან 16-ივე განკურნეს.

ამერიკის კონგრესმა მხარი დაუჭირა 8.3 მილიარდი დოლარის ღირებულების დაფინანსების პაკეტს კორონავირუსთან ბრძოლაში. გადაწყვეტილება მას შემდეგ მიიღეს, რაც შეერთებული შტატების ტერიტორიაზე გარდაცვლილთა რაოდენობამ 11 შეადგინა- ერთი ადამიანი ვაშინგტონის შტატის ფარგლებს გარეთ, კალიფორნიაშიც გარდაიცვალა, რის გამოც შტატის გუბერნატორმა საგანგებო მდგომარეობა გამოაცხადა.

ამასობაში ევროპაში, კერძოდ ბოსნიასა და ჰერცოგოვინაში ვირუსის პირველი შემთხვევაა. საერთო ჯამში გარდაცვლილთა რაოდენობა 3287-ს , ხოლო დაინფიცირებულთა რაოდენობამ 95 606 შეადგინა. მხოლოდ ჩინეთში ჯანმრთელობის უწყების განცხადებით, დაღუპულთა რიცხვმა 3000-ს გადააჭარბა. ჩინეთის შემდეგ, ყველაზე მძიმე შედეგები ვირუსმა სამხრეთ კორეაში მიიღო, სადაც 6000-მდე ადამიანი დაინფიცირდა და 145-ზე მეტი გარდაიცვალა. ვირუსის მძიმე გამოვლინებაა აგრეთვე იტალიაში, სადაც დაღუპულთა რიცხვი უკვე 107-ს აღემატება, ხოლო კარანტინის ზონაში კი 3089 ადამიანია მოქცეული. იტალიის ხელისუფლებამ დაავადებასთან ბრძოლისთვის დამატებით 5.57 მილიარდი დოლარი გამოყო.

სტატისტიკა ონლაინ რეჟიმში იხილეთ ლინკზე.