იტალიიდან ჩამოსულ საქართველოს მოქალაქეებს, დაავადებათა კონტროლის ეროვნული ცენტრის ხელმღვანელი ამირან გამყრელძე მოუწოდებს, რომ მინიშვნელოვანია მოგზაურობიდან დაბრუნებულმა პირებმა, განსაკუთრებით იტალიიდან, გამოიჩინონ მოქალაქეობრივი პასუხიმგებლობა და სიმპტომების არქონის მიუხედავად თვითიზოლაციაში მოექცნენ.

მინდა მივმართო საქართველოს მოქალაქეებს, ვინც იტალიიდან ბრუნდებიან, უკვე არა მხოლოდ ჩრდილოეთ იტალიიდან, სადაც ინფექციის ძირითადი კონცენტრაცია გახლავათ, არამედ საერთოდ იტალიიდან, რომ გამოვიჩინოთ მაღალი სამოქალაქო პასუხისმგებლობა. იტალიიდან შემოსული ყველა ადამიანი, თუ მას სიმპტომები აქვს საზღვარზე, ექვემდებარება გადაყვანას ინფექციურ საავადმყოფოში, თუ აქვს კორონავირუსისთვის დამახასიათებელი სიმპტომები- ტემპერატურა, ხველა, სუნთქვის უკმარისობა, ქოშინი, შესაძლოა თანმხლები იყოს თავის ტკივილი, ყელის ტკივილი, რაც ზოგადად რესპირაციული ინფექციისთვისაა დამახასიათებელი. დანარჩენი ადამიანები, ვინც შემობრძანდებიან იტალიიდან, თუ სიმპტომები არ აქვთ ან არის მსუბუქი, შეიძლება მოთავსდნენ კარანტინში ან ყველა მათგანი ექვემდებარება თვითიზოლაციას. ვისაც თვითიზოლაციის საშუალება არ აქვს, ისინი უნდა გადავიდნენ კარანტინში და ორი კვირის განმავლობაში იყვნენ დაკვირვების ქვეშ. რადგან ეს არის ზრუნვა მათ ჯანმრთელობაზე და შემდგომ ასევე უნდა იზრუნონ ირგვლივ მყოფების და საზოგადოების ჯანმრთელობაზე, რომ არ იყვნენ წყარო ინფექციის შემდგომი გავრცელების. - განაცხადა გამყრელიძემ.

შეგახსენებთ, რომ კორონავირუსის კიდევ ერთი, მეოთხე შემთხვევა დაფიქსირდა, ვირუსი იტალიიდან ჩამოსულ საქართველოს მოქალაქეს დაუდასტურდა.