ინფექციური საავადმყოფოს დირექტორი, თენგიზ ცერცვაძე განცხადებას აკეთებს, გავრცელებული კორონავირუსის მდგომარეობაზე და სამედიცნო დაკვირვების ქვეშ მყოფ პაცინტებიზე, რომელებიც დაკვირვების მიზნით იმყოფებიან ინფექციურ საავადმყოფოში. მისივე თქმით, ამ ეტაპზე ინფექციურ საავადმყოფოში წევს სულ 35 პაციენტი, მათგან 16 არის ახალი პაციენტი. აღებულია ნაცხის ანალიზი და გაგზავნილია გამოსაკვლევად, პასუხები იქნება დღის ბოლოს.

ცერცვაძის განცხადებით, სტაბილურია იმ სამი პაციენტის მდგომარეობა, რომელთაც კორონავირუსი დაუფიქსირდათ. მისი თქმით, ერთი მათგანს სიმპტომები არ აქვს, ხოლო დანარჩენ ორის მდგომარეობა კვალიფიცირდება, როგორც მსუბუქი.

"ამ ეტაპზე ისინი არ საჭიროებენ რაიმე ინტენსიურ სამკურნალო ღონისძიებებს, იმყოფებიან მხოლოდ დაკვირვების ქვეშ და ეს აუცილებელია იმიტომ რომ უკვე მსოფლიოში არსებული პრაქტიკით აი ასეთი მსუბუქი დასაწყისი შემთხვევების მერე უახლოესი 10 დღის მანძილზე შესაძლებელია დამძიმება. მათ შორის სერიოზული დამძიმება კრიტიკულ მდგომარეობამდე"- აღნიშნა ცერცვაძემ.

ასევე, დღის ბოლოს გახდება ცნობილი იმ რამდენიმე პაციენტების ლაბორატორიული ანალიზის შედეგები, რომლებიც საკარანტინო ზონაში იმყოფებიან გორის ჰოსპიტალში.

შეგახსნებთ, რომ გორის სამხედრო ჰოსპიტალში, რომელიც საკარანტინო ზონად გამოცხადდა, ამ დროისთვის 16 ადამიანია მოთავსებული.