ინტერნეტში გავრცელდა რუსი სამხედროების მიერ გადაღებული ვიდეოკადრები, სადაც ასახულია , თუ როგორ გარბიან იდლიბის რეგიონში შეტაკებების ერთ-ერთი იმ არეალიდან, რომელსაც აქტიურად ბომბავენ თურქი სამხედროები უპილოტო საფრენი აპარატებით. ვიდეოში ჩანს, თუ როგორ ცდილობენ რუსი მებრძოლები გაექცნენ თურქულ ბომბებს, რომლითაც აქტიურად მუშავდებოდა ასადისტების სამხედრო კოლონა და ქვეითთა პოზიციები.

აღნიშნული მასალა ცხადჰყოფს, რომ ბრძოლებში აქტიურად მონაწილეობენ რუსი მებრძოლებიც, თუმცა მათი ოფიციალური ჩართულობა არ დასტურდება თავდაცვის სამინისტროს მიერ. რამდენიმე დღის წინ გავრცელდა აგრეთვე ფაქტები თურქი სამხედროების მიერ რუსი ჯარისკაცების მკვლელობის შესახებ ქალაქ სარაქიბთან.

თურქეთში მიმდინარე სამხედრო ოპერაცია „გაზაფხულის ფარის“ ფარგლებში თავდაცვის უწყებამ განადგურებული ტექნიკისა და დაღუპული ჯარისკაცების მონაცემები გამოაქვეყნა . მას შემდეგ რაც 27 თებერვალს თურქულ სამხედრო კოლონაზე თავდასხმა განხორციელდა, საპასუხო ზომების მიღების შედეგად 28 თებერვლიდან დღემდე ნეიტრალიზებულია 2500-ზე მეტი სირიელი მებრძოლი, 135 ტანკი, რამდენიმე ერთეული ვერტმფრენი, 24 ქვეითთა საბრძოლო მანქანა, 40-ზე მეტი თვითმავალი საარტილერიო დანადგარი, 29 ანტისაჰაერო „ავტომატი“, 5 საზენიტო კომპლექსი, 10-მდე სამხედრო საწყობი, 2 საფრონტო ბომბდამშენი და 2 უპილოტო საფრენი აპარატი.