New york times-ის ინფორმაციით, მანილაში უკმაყოფილო დაცვის თანამშრომელმა, რომელმაც სამსახური დაკარგა სავაჭრო ცენტრში, ცეცხლსასროლი იარაღიდან ცეცხლი გახსნა, რა დროსაც დაიჭრა ერთი ადამიანი. თავდამსხმელმა 30 მძევალი აიყვანა- ამის შესახებ ინფორმაციას ავრცელებს ადგილობრივი პოლიცია.

ერთი ადამიანი, რომელიც მძიმედ დაიჭრა სასწრაფოდ გადაიყვანეს საავადმყოფოში. სავაჭრო ცენტრის ელექტრონიკისა და ტანსაცმლის მაღაზიები დაიხურა.ინციდენტი დილის 10 საათზე დაიწყო. პოლიცია შენობის მიმდებარე ტერიტორიაზე მყოფებს მოუწოდებს, სასწრაფოდ დატოვონ აღნიშნული ლოკაცია. სამართალდამცავების თქმით, მოლაპარაკება მიმდინარეობს ბოროტმოქმედთან. ქალაქის მერის განცხადებით, თავდამსხმელმა საკონფერენციო ზარით მიმართა თავის ყოფილ კოლეგებს სავაჭრო ცენტრში, რომელთაც თავისი ქმედების შესახებ მიზეზები აუხსნა და გააპროტესტა დაკავებული თნამდებობიდან გათავისუფლება.