„რეალის“ ვარსკვლავმა ფიფას პრეზიდენტს იოზეფ ბლატერს,  მესისთან ირონიული შედარება არ აპატია

„რეალის“ ნახევარმცველი კრიშტიანუ რონალდუ, ფიფას მიერ ორგანიზებული ყველა ღონისძიების ბოიკოტირებას აპირებს, იტყობინება futbol.as.com.

პორტუგალიელი არ აპირებს მიიღოს ფიფას ხელმძღვანელის იოზეფ ბლატერის ბოდიში. ბლატერმა, რონალდუსა და მეისის შედარებისას, თქვა, რომ არგენტინელი უფრო მოსწონს, ხოლო „რეალის“ ჰავბეკი „უფრო მეტ დროს ვარცხნილობას უთმობს“.

ამის შემდეგ ბლატერმა ბოდიი მოუხადა „რეალს“, პორტუგალიის ფეხბურთის ფედერაციას და რონალდუს. თუმცა, წყაროს ცნობით, პორტუგალიელი არ დაესწრება ფიფას ღონისძიებებს, მათ შორის „ოქროს ბურთის“ გადაცემის ცერემონიას, რომლის პრეტედენტთა შორის თავადაც არის.

შეგახსენებთ, რომ „ოქროს ბურთის“ გადაცემის ცერემონია 14 იანვარს შედგება.