მსოფლიოში კორონავირუსისგან 42 ათასზე მეტი პაციენტი გამოჯანმრთელდა. მონაცემებს ამის შესახებ „სიენენი“ ავრცელებს.

ჩინეთის ჯანდაცვის უწყების ინფორმაციით, ჩინეთში ახალი კორონავირუსით გარდაცვლილია 2870 ადამიანი, დაინფიცირებულთა რაოდენობა თითქმის 80 ათასს შეადგენს, გამოჯანმრთელებულია 41 800-ზე მეტი პირი.

მსოფლიოში კორონავირუსით გარდაცვლილთა რიცხვი 2,976-ს შეადგენს, ინფიცირებულია 87 ათასამდე ადამიანი.

ჩინეთის გარდა გარდაცვალების შემთხვევებია ირანში, იტალიაში, სამხრეთ კორეაში, იაპონიაში, ჰონგ-კონგში, საფრანგეთში, ფილიპინებში, ტაივანში, ტაილანდში, აშშ-სა და უკვე ავსტრალიაშიც.