''პასპორტკონტროლს გავდიოდი ვიკითხე თუ როდის შემამოწმებდნენ? პასუხი არ გაუციათ, ამის შემდეგ მოვითხოვე შემამოწმეთ''- რა მდგომარეობაა თბილისის აეროპორტში

საზოგადოება - 22:14, 29 Feb, 2020

1795

არაბეთის გაერთიანებული საემიროდან დაბრუნებული ერთ-ერთი მგზავრი გ. ბერიძე, საკუთარ სოციალურ ქსელში, თბილისის საერთაშორსო აეროპორტში არებულ სიტუაციაზე წერს, მისივე თქმით არ ხდება მგზავრების ჯანმრთელობის სრული გადამოწმება, გარდა ჩინეთის მოქალაქეებისა.

''კორონა ვირუსი! გუშინ ჩამოვფრინდი თბილისის საერთაშორისო აეროპორტში, ფრენა შარჟა - თბილისი, თვითმფრინავში დაახლოებით 130 ადამიანი ვიქნებოდით 100 უცხოელი (20-მდე ჩინეთის მოქალაქე, რამდენიმე ირანის, უმეტესობა ინდოეთის და დანარჩენი ქართველი) საპასპორტო კონტროლთან მაგიდა შევამჩნიე სადაც სპეციალური ფორმებით აღჭურვილი ორი ადამიანი იჯდა - სამედიცინო პერსონალი, მგზავრების რიგი იდგა საპასპორტო კონტროლთან, ვაკვირდებოდი მაგიდას, არცერთი მგზავრი შეუმოწმებიათ, მხოლოდ ორი ჩინეთის მოქალაქის გარდა, როდესაც პასპორტკონტროლს გავდიოდი ვიკითხე თუ როდის შემამოწმებდნენ? პასუხი არ გაუციათ, ამის შემდეგ მოვითხოვე შემამოწმეთ დაახლოებით 20 დღე არ ვიმყოფებოდი საქართველოში და უამრავ ადამიანთან მქონდა შეხება მეთქი, სასაზღვრო პოლიც-ოფიცერმა უცნაური მზერით მიმითითა მაგიდისკენ მიდი და შეგამოწმებენ თუ გინდაო, - მივედი, კითხვების გარეშე მხოლოდ სიცხე შემიმოწმეს, მაჩვენა რომ სიცხე არ მქონდა და გამიშვა. ვფიქრობ კორონას გავრცელებას ასე ვერ აღკვეთენ, ვერც შეამცირებენ და ვერც გაიგებენ რამდენი ვირუსის მქონეა ქვეყანაში და რამდენი შეიძლება შემოვიდეს. ეს უბრალო ფორმალობა იყო რომელიც გავიარე და მივხვდი რომ დაუცველები ვართ, გავრცელების ძალიან დიდი საფრთხეა და სახელმწიმო ამ პროცესს "ლაითად" უყურებს, რატომ არ ამკაცრებენ ვერ ვხვდები. მკაცრი ზომებია მისაღები, თან სასწრაფოდ!'' - წერს ბერიძე საკუთარ სოციალურ ქსელში.