სამხრეთი კორეაში კორონავირუსით დაავადებულთა რიცხვი საგრძნობლად გაიზარდა- მხოლოდ ერთ დღეში ინფიცირებულთა რაოდენობამ 594 შეადგინა, რომლის შემდეგაც ქვეყანაში ოფიციალურად 2931 ადამიანია დაავადებული. ვირუსით უკვე დაიღუპა 17 ადამიანი. მთავრობამ შაბათს მოუწოდა მოქალაქეებს, რომ გარეთ არ გამოვიდნენ, დარჩნენ სახლში, რადგან კრიტიკული მომენტი აღინიშნება კორონავირუსთან ბრძოლაში.

ჩინეთის შემდეგ სამხრეთ კორეა ზემოხსენებული ვირუსის გავრცელების კუთხით პირველ ადგილზეა. მსოფლიოს ჯანდაცვის ორგანიზაცია შეშფოთებას გამოთქვამს ასევე იმ ფაქტთან დაკავშირებით, რომ აშშ-ში კალიფორნიასა და ორეგონში ვირუსის გავრცელება უცნობი გზებით მოხდა.

კალიფორნიის ადგილობრივი ჯანდაცვის უწყებები აცხადებენ, რომ უკვე მეორე ამერიკელზე დაფიქსირდა კორონავირუსი ისე, რომ მას არც უმოგზაურია, არ გადაადგილებულა პოტენციურად ინფიცირებულ ტერიტორიებზე და არც ჰქონია დაავადებულ პირებთან ურთიერთობა.

მსოფლიო ჯანდაცვის ორგანიზაციის ცნობით, აშშ-ში კორონავირუსით ინფიცირების 59 შემთხვევაა.

შეგახსენებთ, რომ მსოფლიოში უკვე 83 650 ადამიანი დაავადდა კორონავირუსით, რომლის დროსაც გარდაცვლილთა რაოდენობა 2835-ს აღწევს. იტალიაშიც მომძლავრებულია ვირუსის გავრცელება, რომლის შემდეგაც დაავადებულთა რიცხვი უკვე დადასტურებულად 650-ს შეადგენს, რომლის დროსაც 21 ადამიანი გარდაიცვალა.