ისრაელის მეცნიერებისა და ტექნოლოგიის მინისტრმა, ოფირ აკუნისმა განაცხადა, რომ ისრაელელ მკვლევართა ჯგუფი, გალილეის კვლევით ინსტიტუტში (MIGAL) კორონავირუსის წინააღმდეგ ვაქცინის შემუშავების ბოლო სტადიაზეა. ინფორმაციას i24news.tv-ი ავრცელებს.

მინისტრის თქმით, ვაქცინის შექმნა შესაძლოა სამ კვირაში დასრულდეს, ხოლო ხელმისაწვდომი 90 დღეში იქნება.

„ვულოცავ MIGAL-ს ამ გარღვევას. დარწმუნებული ვარ, რომ შემდგომი სწრაფი წინსვლა იქნება, რაც საშუალებას მოგვცემს საჭირო პასუხი უზრუნველვყოთ გლობალური საფრთხისთვის“, - განაცხადა მინისტრმა.

MIGAL-ი გალილეაში მდებარე კვლევითი ორგანიზაციაა, რომელიც ბიოტექნოლოგიის, გარემოდაცვითი მეცნიერების და სოფლის მეურნეობის სფეროებში სპეციალიზირდება.