ერდოღანსა და თურქ მაღალჩინოსან პოლიტიკოსებს შორის კონსულტაციის შედეგად მიღებული იქნა გადაწყვეტილება, რომლის თანახმადაც ანკარამ ოფიციალურად გადაწყვიტა სირიელი ლტოლვილები არ შეაკავოს და გზა გაუხსნას ევროპისკენ. ამის შესახებ წერს არაბული მედია.

თურქული მხარე 72 საათის განმავლობაში თავის სამხრეთის საზღვრებს ხსნის, რომლის შემდეგაც სირიელ ლტოლვილებს შეეძლებათ ევროპისკენ გადაადგილება.

თურქი მაღალჩინოსნების თქმით, ოფიციალურმა ანკარამ უბრძანა პოლიციის, ჟანდარმერიის, საზღვრისა და სანაპიროს დაცვის სამსახურებს, ხელი არ შეუშალონ სირიელი ლტოლვილების მანქანების კოლონებს, რომელთაც ევროპაში სურთ გადასვლა.

აღნიშნული გადაწყვეტილება მას შემდეგ იქნა მიღებული, რაც თურქულმა მხარემ ოფიციალურად დაადასტურად იდლიბის რეგიონში 22 თურქი ჯარისკაცის გარდაცვალების შესახებ, რომლის შემდეგაც ათასობით სირიელი ლტოლვილი დაიძრა თურქული სახელმწიფოს სამხრეთი საზღვრებისკენ.