ჩინეთს ისლამაბადის ხელისუფლების თხოვნით პაკისტანში 100 000 იხვი გადაჰყავს, რისი მიზეზიც კალიების მიერ მასშტაბური შემოსევა და მოსავლის განადგურებაა.

ჩინელი სოფლის მეურნეობის ექსპერტების თქმით, ერთი იხვი ჭამს 200-ზე მეტ კალიას დღეში, რის გამოც ისინი ბევრად უფრო ეფექტურ საშუალებად ითვლებიან მწერების წინააღმდეგ ბრძოლაში.

ჩინეთის მთავრობამ დაანონსა, რომ ისინი ამ კვირას გააგზავნიან სპეციალურ ჯგუფს პაკისტანში, რომლებიც დასახავენ სპეციალურ პროგრამას კალიების გასანეიტრალებლად.

გაეროს ინფორმაციით, ამჟამად არსებული პარაზიტებით დასნევნოვნების ფაქტები სათავეს იღებს 2018-2019 წლებში არაბეთის ნახევარკუნძულიდან შემოჭრილი ციკლონის შემოჭრის შედეგად, რომლის დროსაც ძლიერი წვიმები იყო რეგიონში, რის ფონზეც მწერების მასშტაბური გავრცელება მოხდა. ამ მოვლენის დროულად გამოვლენა კი ვერ მოხერხდა, რის გამოც სამხრეთ აზიასა და აღმოსავლეთ აფრიკაში კალიები ფართოდ გავრცელდა. კალიების რაოდენობა გავრცელებული ინფორმაციით, მხოლოდ პაკისტანში 400 მილიონს აღემატება.