რა მდგომარეობაშია კორონავირუსით დაავადებული საქართველოს მოქალაქე და რამდენი ადამიანი ადამიანი შეიყვანეს დამატებით ინფექციურ საავადმყოფოში

საზოგადოება - 10:57, 27 Feb, 2020

2269

ინფექციური საავადმყოფოს ბოქსირებულ განყოფილებაში 10 პაციენტია მოთავსებული. მათ შორის, 5 იტალიიდან ჩამოსული, ერთ-ერთი კი იტალიის მოქალაქეა. გუშინ ინფექციურ საავადმყოფოში 3 პაციენტი შეიყვანეს.

რაც შეება ფოთიდან გადმოყვანილი 18 წლის გოგოს, მისი ანალიზის პასუხები ლუგარის ლაბორატორიაშია გადაგზავნილი და პასუხები უახლოეს საათებში გახდება ცნობილი.

„როგორც თქვენთვის ცნობილია, გუშინ ჩვენს დაწესებულებაში იმყოფებოდა 19 პაციენტი, მათგან 12 გადაყვანილი იქნა აბასთუმანში საკარანტინო სივრცეში. დღეს დაგვემატა 3 ახალი პაციენტი, რომელთა კვლევა გაგრძელდება ლუგარის ლაბორატორიაში, ჩატარდება ტესტირება და დღის მეორე ნახევარში გვეცოდინება პასუხი ახალ კორონავირუსთან დაკავშირებით“, - განაცხადა ინფექციური საავადმყოფოს სამედიცინო დირექტორის, მარინა ეზუგბაია.

რაც შეეხება ვირუსით დაინფიცირებულ 50 წლის მამაკაცს, ექიმების ინფორმაციით, მისი ჯანმრთელობის მდგომარეობა ამ ეტაპზე დამაკმაყოფილებელია.

„ინფიცირებული პაციენტის მდგომარეობა დამაკმაყოფილებელია, არ აქვს ტემპერატურა და ჩივილები. განმეორებითი კლინიკურ ლაბორატორიული კვლევებით ცვლილებები არ ვლინდება, თუმცა ეს დაავადება საკმაოდ მძიმე მიმდინარეობით ხასიათდება და შესაძლებელია, ნებისმიერ დროს მოხდეს მისი დამძიმება, რომელიც გამოვლინდება პნევმონიის სახით. გრძელდება ყოველდღიური მეთვალყურეობა და დინამიური მონიტორინგით გადაწყდება მდგომარეობის შეფასება და შესაბამისი მოქმედება. კლინიკურად, მასთან ერთად მყოფ პირთანაც, რომელიც მოთავსდა ჩვენს ცენტრში, ანალოგიური სიტუაციაა, ვირუსი უარყოფითია და არ არის გამოვლენილი დაავადება. ამჟამად მისი მდგომარეობა დამაკმაყოფილებელი“, - განაცხადა მარინა ეზუგბაიამ.