ცნობილი ჩოგბურთელი მარია შარაპოვა თავის მრავალწლიან კარიერას დაემშვიდობა. მან ამის შესახებ განცხადება უცხოურ მედიასთან საუბრისას გააკეთა. "ჩოგბურთო - გემშვიდობები" - აცხადებს 32 წლის მაია შარაპოვა.
შარაპოვას მოგებული აქვს 5 დიდი სლემის ტურნირი – 2 საფრანგეთის ღია პირველობა, 1 ავსტრალიის ღია პირველობა, 1 უიმბლდონი და 1 აშშ-ის ღია პირველობა. 2012 წელს საფრანგეთის ღია პირველობის მოგებით, შარაპოვამ კარიერული დიდი სლემი შეასრულა და გახდა ისტორიაში მეათე ქალი ჩოგბურთელი, რომელმაც აღნიშნულის მიღწევა შეძლო (ყველა დიდი სლემის ტურნირის მოგება)[2]. რუს ჩოგბურთელს ასევე ერთხელ აქვს მოგებული წლის შემაჯამებელი ტურნირი. ჯამში მას კარიერაში WTA-ის 36 ტურნირი აქვს ერთეულებში მოგებული. 2005 წელს 18 წლის ასაკში, შარაპოვა რეიტინგში მსოფლიოს პირველი ჩოგანი გახდა. ჯამში სხვადასხვა წლებში, იგი 21 კვირის განმავლობაში იკავებდა პირველ ადგილს.
ოლიმპიურ თამაშებზე, მას ერთი ვერცხლის მედალი აქვს ერთეულებში მოპოვებული. სანაკრებო დონეზე, შარაპოვამ ერთხელ მოიგო 1 ფედერაციის თასი რუსეთის ნაკრებთან ერთად.
მასალის გამოყენების პირობები






