სამხრეთ კორეაში განლაგებულ ამერიკული არმიის კონტიგენტში კორონავირუსის დაინფიცირების შემთხვევა დაფიქსირდა- ვირუსის შედეგად დაავადებულია 23 წლის ამერიკელი სამხედრო.

გავრცელებული ინფორმაციით, ჯარისკაცი კარანტინის ზონაშია მოქცეული. კორეაში არსებულ ამერიკულ ბაზაზე 28 500 ჯაარისკაცია დისლოცირებული.

კორონავირუსი ძლიერდება და მასშტაბურ სახეს იღებს ახლო აღმოსავლეთის რეგიონსა და ევროპის კონტინეტზე, ამავდროულად კი ჩინეთში დაავადების გავრცელება მცირდება.

ყოველდღიურად იზრდება გარდაცვლილთა რაოდენობა აგრეთვე ირანსა და იტალიაში. სამხრეთ კორეაში უკვე 15 ადამიანია გარდაცვლილი. მთელი მსოფლიოს მასშტაბით ინფიცირებულთა რიცხვი უკვე 80 000-ს, ხოლო გარდაცვლილთა რაოდენობა კი 2700-ს სცდება.

ირანის სახელმწიფო ტელევიზიის თქმით, 19 ადამიანია გარდაცვლილი და 139 დაავადებული.

მას შემდეგ, რაც გავრცელდა ინფორმაცია საფრანგეთში ყველა პაციენტის განკურნებასთან დაკავშირებით, ხელახლა დადასტურდა კორონავირუსით დაინფიცირების 3 ახალი შემთხვევა, რომლის გამოც 1 ადამიანი გარდაიცვალა. დაღუპული 60 წლის ფრანგი ეროვნების მამაკაცია.