ისრაელის ავიაციამ პალესტინურ სამხედრო დაჯგუფებაზე იერიში მიიტანა ღაზას სექტორსა და სირიაში. ებრაული არმიის განცხადებით, ბომბდამშენებმა იერიში მიიტანეს სამხრეთ დამასკოსა და ღაზას სექტორში ჯიჰადისტური ჯგუფების გასანეიტრალებლად. ამის შესახებ წერს BBC.

სტატიაში აღნიშნულია ის იშვიათი აღიარება, რომლის დროსაც ისრაელი პასუხისმგებლობას პირდაპირ იღებს საკუთარ თავზე განხორციელებულ თავდასხმაში სირიაში არსებულ სამხედრო ობიექტებზე.

ისრაელის მაღალჩინოსანთა თქმით, მათ გაანადგურეს ისლამისტი ჯიჰადისტების ცენტრალური სამხედრო ობიექტი.

სირიელი სამხედროები კი თავის მხრივ აცხადებენ, რომ ებრაელთა უმეტესი რაკეტა უკვე განადგურებულია. გაცხადებული ინფორმაციით, დაბომბვის შედეგად განადგურებულია სამხედრო ინფრასტრუქტურა, გარდაცვლილია 6 ადამიანი სირიაში, 2 კი ღაზას სექტორში.

ებრაელთა თავდასხმა მას შემდეგ განხორციელდა, რაც კვირას პალესტინელთა მიერ ისრაელის სამხრეთი ტერიტორია 20 რაკეტით დაიბომბა.